,,მეცნიერებისა და ინოვაციების ფესტივალი – 2019-ის“ ფარგლებში თელავის ტექნოპარკში სამეცნიერო, სახალისო ვიქტორინა გაიმართა, რომელშიც მონაწილეობა თელავის საჯარო სკოლების მოსწავლეებმა მიიღეს.
ღონისძიების მონაწილეებს თელავის სახელმწიფო უნივერსიტეტის რექტორის მოადგილე სამეცნიერო დარგში, ნუნუ გელდიაშვილი ესაუბრა და ყურადღება უნივერსიტეტსა და სკოლებს შორის თანამშრომლობის აუცილებლობაზე გაამახვილა.
ვიქტორინის მონაწილეები სერტიფიკატებით და სიმბოლური საჩუქრებით დაჯილდოვდნენ.
ღონისძიები თელავის სახელმწიფო უნივერსიტეტის ჰუმანიტარულ მეცნიერებათა ფაკულტეტის უცხო ენების დეპარტამენტისა და პროფესორ მანანა ღარიბაშვილის ორგანიზებით ჩატარდა.
,,მეცნიერებისა და ინოვაციების ფესტივალი – 2019“ თელავში რამდენიმე დღეა მიმდინარეობს და მისი მიზანია სამეცნიერო კვლევების და ინოვაციების პოპულარიზაცია.
