2019- ის“ ფარგლებში, კავკასიის საერთაშორისო უნივერსიტეტის მულტიმედია ცენტრში სამეცნიერო-პოპულარული ფილმის – „არახელსაყრელი სიმართლე“ – პრეზენტაცია გაიმართა.
ნობელის პრემიის ლაურეატის, აშშ-ის ყოფილი ვიცე-პრეზიდენტის ალ გორის ნაწარმოების მიხედვით შექმნილი ფილმი, კავკასიის საერთაშორისო უნივერსიტეტის სამეცნიერო კვლევების დეპარტამენტის უფროსმა, სესილი გოგიბერიძემ წარადგინა.
„არახელსაყრელი სიმართლე“ გლობალური დათბობის პრობლემებს ეხება. ფილმში წარმოდგენილია დრამატული ფოტოები და გრაფიკული ილუსტრაციები, რომლებიც მკაფიოდ ადასტურებენ გლობალური დათბობის და კლიმატის ცვლილების მასშტაბებს ჩვენს პლანეტაზე. ფილმი წარმოადგენს ინსპირაციას ახალგაზრდობისთვის, რათა მათ გაუღვივდეთ ინტერესი აღნიშნული თემის მიმართ და გაუჩნდეთ სურვილი, რომ დაიცვან ჩვენი პლანეტა უხეში ჩარევისგან.
ფილმის ჩვენებას უნივერსიტეტის სტუდენტები, ადმინისტრაციული და აკადემიური პერსონალი ესწრებოდა, დასრულების შემდეგ კი აუდიტორიაში თემატური დისკუსია გაიმართა.
