„მეცნიერებისა და ინოვაციების ფესტივალი 2019-ის“ ფარგლებში სამცხე-ჯავახეთის უნივერიტეტის პროფესორ – მასწავლებლები ახალციხის საჯარო სკოლების მოსწავლეთათვის ლექციების ციკლს განაგრძობენ.
სამცხე-ჯავახეთის სახელმწიფო უნივერსიტეტის რექტორი, ასოცირებული პროფესორი მაკა ბერიძე ახალციხის №1 საჯარო სკოლის მოსწავლეებს ესაუბრა თემაზე -,,მეცნიერება და ენობრივი პოლიტიკა“.
ახალციხის №2 საჯარო სკოლაში საჯარო ლექცია „ეკონომიკური საკითხების ცოდნის მნიშვნელობა და როლი ყოველდღიურ ცხოვრებაში“ ასოცირებულმა პროფესორმა რაისა ხაჩატურიანმა ჩაატარა. №3 საჯარო სკოლას პროფესორი მერაბ ბერიძე ეწვია, მისი ლექცია ისეთ აქტუალურ თემას ეხებოდა როგორიცაა ,,სახელმწიფო ენა და სამოქალაქო აზროვნება”.
ახალციხის №6 საჯარო სკოლას კი პროფესორი მალხაზ ლომსაძე ესტუმრა ლექციით – ,,მეცნიერება და იურისპრუდენცია“. ლექციები მიმდინარეობდა ინტერაქციულად, მოსწავლეთა აქტიური ჩართულობითა და საინტერესო შეკითხვებით. დაიგეგმა შემდგომი ურთიერთთანამშრომლობა.
მნიშვნელოვანი იყო ის, რომ ყველა პროფესორს თან ახლდნენ, ზემოაღნიშნული სკოლების კურსდამთავრებულები, რომლებიც ამჟამად უნივერსიტეტის წარმატებული სტუდენტები არიან, სტუდენტები, მოსწავლეებს თავიანთ გამოცდილებასა და სტუდენტურ ცხოვრებაზე ესაუბრნენ.
