კავკასიის საერთაშორისო უნივერსიტეტში, თბილისის N115 სკოლის მოსწავლეებისთვის საჯარო ლექცია „მზის ნათელი და ბნელი მხარეები“ გაიმართა.
ლექციას უნივერსიტეტის მედიცინის ფაკულტეტის დეკანი, მედიცინის მეცნიერებათა დოქტორი, დერმატო-ვენეროლოგი ლალი მეკოკიშვილი უძღვებოდა, რომელმაც სკოლის მოსწავლეებს გააცნო კანის დაავადების სახეები, მზის სხივების დადებითი და უარყოფითი ზემოქმედების შემთხვევები. ასევე ისაუბრა კანის კიბოს პრევენციის საშუალებებზე, კანის კიბოს ნიშნების ამოცნობასა და მზისგან დაცვის ღონისძიებებზე.
საჯარო ლექცია „მეცნიერებისა და ინოვაციების ფესტივალი 2019-ის“ ფარგლებში გაიმართა.
