თელავის სახელმწიფო უნივერსიტეტში ზუსტ და საბუნებისმეტყველო მეცნიერებათა ფაკულტეტის ინიციატივით, სტუდენტებისა და სკოლის მოსწავლეების სამეცნიერო კონფერენცია ,,ნარჩენების მართვა, ტყეები და ბიომრავალფეროვნება“ გაიმართა.
ღონისძიება CENN/USID WMTR ნარჩენების მართვის პროგრამის, კერძოდ, CENN-ის პროექტის ,,ტყეების მდგრადი მართვა სოფლის განვითარებისთვის (ADA) პარტნიორობით, ეროვნული სატყეო სააგენტოს და საქართველოს ბიოტექნოლოგიის ასოციაციის მხარდაჭერით ჩატარდა.
კონფერენციის მონაწილეებს ფაკულტეტის დეკანი, მაგდა დავითაშვილი, ეროვნული სატყეო სააგენტოს უფროსის მოადგილე, ნათია იორდანიშვილი, საქართველოს ბიოტექნოლოგიის ასოციაციის პრეზიდენტი, ნინო ინასარიძე, USAID WMTR II პროგრამის ნარჩენების, გადამუშავების მიმართულებით, ხელმძღვანეწლი კახა რუხაია მიესალმნენ და ღონისძიების მნიშვნელობაზე ისაუბრეს.
სტუდენტებმა და მოსწავლეებმა ნაშრომები ნარჩენების ეფექტური მართვის, დაცული ტერიტორიების მონიტორინგის, ტყეების რეკრეაციული პოტენციალის და სხვა თემების შესახებ წარადგინეს. გამოვლინდნენ გამარჯვებულები, რომლებიც შესაბამისი პრიზებით დაჯილდოვდნენ. კონფერენციის მონაწილეებს კი სერტიფიკატები გადაეცათ.
კონფერენციას ორგანიზება ორგანიზატორი ზუსტ და საბუნებისმეტყველო მეცნიერებათა ფაკულტეტის დეკანმა, მაგდა დავითაშვილმა და „კავკასიის გარემოსდაცვითი არასამთავრობო ორგანიზციათა ქსელის“ კახეთის რეგიონის კოორდინატორმა კახაბერ სუხიტაშვილმა გაუწიეს. ღონისძიება „მეცნიერებისა და ინოვაციების ფესტივალი – 2019“-ის ფარგლებში ჩატარდა.
