„მეცნიერებისა და ინოვაციების ფესტივალი – 2019-ის“ ფარგლებში შავი ზღვის საერთაშორისო უნივერსიტეტი ორდღიან კონფერენციას მასპინძლობს. მე-4 საერთაშორისო კონფერენცია სახელწოდებით „ისტორია, ხელოვნება, ლიტერატურა და კულტურა შავი ზღვის რეგიონსა და სამხრეთ კავკასიაში“ დღეს გაიხსნა და მასში ოცამდე ქვეყნის წარმომადგენელი მონაწილეობს. საერთაშორისო კონფერენცია ფოკუსირებულია ისეთ საკითხებზე, როგორებიცაა: კულტურათაშორისი დიალოგის ისტორია, ქალაქები და მოგზაურობა, პოლიტიკის ისტორია, ემოციების, ჩვევების, ცხოვრების სტილის ისტორია, მულტიკულტურალიზმი, კულტურული ცვლილებები, მასობრივი და პოპულარული კულტურა, კულტურული ანთროპოლოგია, კლასიკური, თანამედროვე და ვიზუალური ხელოვნება. ასევე, თანამედროვე, შედარებითი და საბავშვო ლიტერატურა და სხვა.
კონფერენციის მხარდამჭერები არიან: შავი ზრვის საერთაშორისო უნივერსიტეტი, აკაკი წერეთლის სახელმწიფო უნივერსიტეტი, ბათუმის ხელოვნების სასწავლო უნივერსიტეტი, თბილისის აპოლონ ქუთათელაძის სახელობის სახელმწიფო სამხატვრო აკადემია, ბათუმის შოთა რუსთაველის სახელმწიფო უნივერსიტეტი და იაკობ გოგებაშვილის სახელობის თელავის სახელმწიფო უნივერსიტეტი.
