21 სექტემბერს, მეცნიერებისა და ინოვაციების თბილისის ფესტივალის ფარგლებში ჩატარდა აგრარული მეცნიერების დღე. საქართველოსგანათლებისა და მეცნიერების მინისტრმა ალექსანდრე ჯეჯელავამ მეცნიერებთან ერთად გახსნა საქართველოს ტექნიკური უნივერსიტეტისაგრარული მეცნიერებებისა და ბიოსისტემების ინჟინერინგის ფაკულტეტის ახალი კორპუსი. ფაკულტეტის განვითარებისთვის საქართველოსმთავრობამ 12 მილიონ ლარზე მეტი დახარჯა. ეს თანხა მოხმარდა ინფრასტრუქტურულ, აღჭურვით და პროგრამული უზრუნველყოფისათვისაუცილებელ სამუშაოებს.
ღონისძიების ფარგლებში გაიმართა აღმოსავლეთ ევროპის უნივერსიტეტისა და კავკასიის უნივერსიტეტის ერთობლივი სამეცნიეროპრაქტიკული კონფერენცია ”საქართველოში აგრობიზნესის განვითარების ხელშესაწყობად პროფესიული და უმაღლესი განათლებისინოვაციური სასწავლო პროგრამების დანერგვა”, საქართველოს სოფლის მეურნეობის მეცნიერებათა აკადემიის კონფერენცია „საქართველოს ფიტოგენეტიკური რესურსი და მისი გაუმჯობესების ინოვაციური ტექნოლოგიები“, სოფლის მეურნეობის სამეცნიერო-კვლევითი ცენტრის მიერ ორგანიზებული ტრენინგები ფერმერებისთვის და აგრარულ თემაზე საჯარო ლექციების სერია, სადაც მსმენელებს საშუალება ჰქონდათ მოესმინათ ინფორმაციამეცხოველეობისა და მემცენარეობის საკითხებზე, მცენარეთა დაცვის გზებზე, მეფუტკრეობისა და მეაბრეშუმეობის პერსპექტივებზე და სხვ.