მოგეხსსენებათ, რომ 25 სექტემბერს ხელნაწერთა ეროვნულ ცენტრში გაიხსნა ორდღიანი გამოფენა, რომელიც ეძღვნებოდა გრიგოლ ფერაძის 120 წლის იუბილეს. 26 სექტემბერს, აღნიშნულ გამოფენაზე, ხელნაწერთა ეროვნულ ცენტრს სტუმრად ეწვივნენ თბილისის №18 საჯარო სკოლის მოსწავლეები. მათ ჩაუტარდათ მოკლე ლექცია ცენტრისა და გამოფენაზე წარმოდგენილი ექსპონატების შესახებ. გარდა ამისა მოსწავლეებს ხელნაწერთა ეროვნული ცენტრის ბიბლიოთეკა-მუზეუმის განყოფილების ხელმძღვანელი ეკა გოგიჩაიშვილი ესაუბრა თემაზე „მღვდელი, რომლის მრევლია ევროპა“. ღონისძიება განხორციელდა მეცნიერებისა და ინოვაციების საერთაშორისო ფესტივალის ფარგლებში.
