„მეცნიერებისა და ინოვაციების ფესტივალი – 2019-ის“ ფარგლებში პეტრე შოთაძის სახელობის თბილისის სამედიცინო აკადემიაში სემინარები ჩატარდა. 26 სექტემბერს სემინარი სახელწოდებით „კომპიუტერული ტექნოლოგიები და მედიცინა“ გაიმართა. ღონიძიებას აკადემიის პროფესორ-მასწავლებლებთან ერთად სტუდენტებიც ესწრებოდნენ. სემინარის მიმდინარეობისას სხვადასხვა აპლიკაციისა და დისტანციური სწავლების, ასევე სიმულაციების პრეზენტაცია გაიმართა.
27 სექტემბერს კი სემინარი – სამეცნიერო გამოფენა სახელწოდებით „შეეხე მედიცინას“ გაიმართა. ღონისძიების მიზანი იყო ინფორმაციის მიწოდება ფუნდამენტური და კლინიკური მედიცინის საკითხებზე ინტერაქტიული ფორმით. სამეცნიერო გამოფენის ფარგლებში ასევე წარმოდგენილი იყო პეტრე შოთაძის სახელობის თბილისის სამედიცინო აკადემიის 2019 წლის სამეცნიერო კვლევების განვითარებისა და ხელშეწყობის საგრანტო პროგრამის ფარგლებში დაფინანსებული სამეცნიერო-კვლევითი პროექტები.
