„მეცნიერებისა და ინოვაციების ფესტივალი – 2019-ის“ ფარგლებში თბილისის სახელმწიფო სამედიცინო უნივერსიტეტში კონფერენცია სახელწოდებით „ნარკოინტოქსიკაცია – მისი მექანიზმები, მკურნალობისა და რეაბილიტაცის გზები“ გაიხსნა. მისი მიზანს ახალგაზრდებში ნარკოტიკული საშუალებების წინააღმდეგ ცნობიერების ამაღლება წარმოადგენს.
კონფერენციის მონაწილეებმა განიხილეს ფართოდ გამოყენებადი საშიში ნარკოტიკული საშუალებების მოხმარებასთან დაკავშირებულ საკითხები. კერძოდ, მათი მოხმარების შედეგად განვითარებული დაავადებები, სიცოცხლისათვის საშიში საფრთხეები, მათი მოქმედების მექანიზმები როგორც ეპიზოდური, ასევე, ქრონიკული გამოყენების პირობებში, მოსალოდნელი გართულებები, ნარკოინტოქსიკაციის მკურნალობისა და რეაბილიტაციის გზები და სხვა. კონფერენციას საჯარო სკოლების უფროსკლასელები და სტუდენტები ესწრებოდნენ.
