„მეცნიერებისა და ინოვაფიების ფესტივალი – 2019-ის“ ფარგლებში რესპუბლიკური ონომასტიკური სამეცნიერო კონფერენცია – „თანამედროვე ონომასტიკური პრობლემები“ გაიმართა. კონფერენცია სამცხე-ჯავახეთის სახელმწიფო უნივერსიტეტის, სახელმწიფო ენის დეპარტამენტისა და სამცხე-ჯავახეთის სამხარეო ადმინისტრაციის მონაწილეობით ჩატარდა.
კონფერენცია გახსნა და მონაწილეებს მიესალმა უნივერსიტეტის რექტორი მაკა ბერიძე. ასევე, დამსწრე აუდიტორიას სიტყვით მიმართეს საქართველოს პარლამენტის წევრმა გიორგი კოპაძემ, სახელმწიფო რწმუნებულ-გუბერნატორის მოადგილემ სამცხე-ჯავახეთის მხარეში შალვა ბერძენიშვილმა.
პლენარული მოხსენება „სახელმწიფო ენის დეპარტამენტის უახლოესი მიზნები და ამოცანები“ წარმოადგინეს გიორგი ალიბეგაშვილმა (სახელმწიფო ენის დეპარტამენტის თავმჯდომარე), თინათინ ბოლქვაძემ (სახელმწიფო ენის დეპარტამენტის სამეცნიერო-საგანმანათლებლო პროგრამების სამსახურის უფროსი) და მარინა ბერიძემ (სახელმწიფო ენის დეპარტამენტის სახელმწიფო ენის ფუნქციონირებისა და ზედამხედველობის სამსახურის უფროსი).კონფერენციამ იმუშავა სამ სექციად:
- ხელმძღვანელები: პროფ. მარიკა ჯიქია, პროფ. რამაზ ქურდაძე;
- ხელმძღვანელები: პროფ. შუქია აფრიდონიძე, პროფ. მერაბ ჩუხუა;
- ხელმძღვანელები: პროფ. რევაზ შეროზია, პროფ. მარინა ბერიძე.
კონფერენციის სექციურ მუშაობაში მონაწილეობა მიიღო 37-მა მომხსენებელმა.
კონფერენციის მონაწილეებმა გრიგოლ ხანძთელისა და ივანე ჯავახიშვილის ძეგლები ყვავილებით შეამკეს და უნივერსიტეტის მუზეუმში 2018 წლის შიდა საუნივერსიტეტო სამეცნიერო გრანტის ფარგლებში ჩატარებული სამუშაოების შედეგად სტუდენტების მიერ მოპოვებული არქეოლოგიური მასალის გამოფენა დაათვალიერეს.
კონფერენცია მიეძღვნა პროფესორ მერაბ ბერიძის 70 წლისთავს.
