„მეცნიერებისა და ინოვაციების ფესტივალი – 2019-ის“ ფარგლებში თბილისის სახელმწიფო სამედიცინო უნივერსიტეტის ორგანიზებით, წარმოდგენა/ექსკურსია „ქართული მედიცინის ისტორია, მედეა და არგონავტები“ გაიმართა.
სამედიცინო უნივერსიტეტის თეატრალურმა დასმა ,,ჰიგეამ“ წარმოადგინა თეატრალიზებული პერფორმანსი, უნივერსიტეტის სტუდენტებმა გააცოცხლეს ცნობილი ბერძნული მითი არგონავტების მოგზაურობის შესახებ. წარმოდგენა გაფორმებული იყო ქართული ფოლკლორული სიმღერითა და ცეკვით თსსუ-ის სიმღერისა და ცეკვის სახალხო ანსამბლის შესრულებით.
თსსუ მედიცინის ისტორიის მუზეუმში ასევე ჩატარდა საინტერესო ლექცია საქართველოში მედიცინის განვითარების ისტორიასა და ქვეყანაში ამ მიმართულებით არსებულ მდიდარ ტრადიციებზე.
